Қазақстан мен Германия «жасыл экономиканы» бірлесіп дамуға ниетті

ҚР Премьер-Министрінің орынбасары Роман Скляр және герман компанияларының басшылары онлайн-кездесу өткізді, оның барысында «жасыл экономиканы» дамыту, шикізатты декарбонизациялау, қайта өңдеу және сутегі экономикасы саласындағы ынтымақтастық мәселесі талқыланды.

Кездесуге Siemens Energy, Linde, Deutsche Bahn, REMONDIS, Deutsche Bank, Bayer, SAP, Goldbeck Solar және басқа да 80-нен астам жетекші неміс компанияларының басшылары мен өкілдері қатысты.

Герман экономикасы Шығыс комитетінің басқарушы директоры Михаэль Хармс сөз сөйлеп, екі елдің сауда-экономикалық және инвестициялық ынтымақтастығын дамытудың маңыздылығын атап өтті.

Онлайн-кездесу барысында Германияның жетекші компанияларының басшылары «жасыл экономиканы» дамыту перспективаларына, екіжақты ынтымақтастық әлеуетіне және бірлескен жобаларды іске асыруға ерекше назар аударды. Кездесу соңында «сұрақ-жауап» форматында пікірталас өтті.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу