Қазақстан Республикасы Үкіметінің 2015 жылғы 18 ақпандағы №69 Қаулысы

Сәулет, қала құрылысы және құрылыс саласындағы лицензиарларды айқындау және Қазақстан Республикасы Үкіметінің кейбір шешімдерінің күші жойылды деп тану туралы

«Рұқсаттар  және  хабарламалар туралы» 2014 жылғы 16 мамырдағы Қазақстан Республикасының Заңы 10-бабының 2) тармақшасына сәйкес                         Қазақстан Республикасының Үкіметі ҚАУЛЫ ЕТЕДІ:

         1. Сәулет, қала құрылысы және құрылыс істері жөніндегі жергілікті атқарушы органдар сәулет, қала құрылысы және құрылыс саласындағы қызметті жүзеге асыратын лицензиарлар болып айқындалсын.

         2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгiзiледi.

Қазақстан Республикасының  Премьер-Министрі                         К. Мәсімов

Қосымша

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу