Қазақстан Республикасы Үкіметінің 2020 жылғы 27 қарашадағы №798 Қаулысы

«Пестицидтерді (улы химикаттарды) өндіру (формуляциялау), пестицидтерді (улы химикаттарды) өткізу, пестицидтерді (улы химикаттарды) аэрозольдік және фумигациялық тәсілдермен қолдану жөніндегі қызметті лицензиялауды жүзеге асыру бойынша лицензиарды айқындау туралы» Қазақстан Республикасы Үкіметінің 2016 жылғы18 ақпандағы № 85 қаулысына өзгерістер енгізу туралы

 

Қазақстан Республикасының Үкіметі ҚАУЛЫ ЕТЕДІ:

1. «Пестицидтерді (улы химикаттарды) өндіру (формуляциялау), пестицидтерді (улы химикаттарды) өткізу, пестицидтерді (улы химикаттарды) аэрозольдік және фумигациялық тәсілдермен қолдану жөніндегі қызметті лицензиялауды жүзеге асыру бойынша лицензиарды айқындау туралы» Қазақстан Республикасы Үкіметінің 2016 жылғы 18 ақпандағы № 85 қаулысына (Қазақстан Республикасының ПҮАЖ-ы, 2016 ж., № 14, 60-құжат) мынадай өзгерістер енгізілсін:

тақырып мынадай редакцияда жазылсын:

«Пестицидтерді өндіру (формуляциялау), пестицидтерді өткізу, пестицидтерді аэрозольдік және фумигациялық тәсілдермен қолдану бойынша қызметті лицензиялауды жүзеге асыру жөніндегі лицензиарды айқындау туралы»;

1-тармақ мынадай редакцияда жазылсын:

«1. Мыналар:

1) облыстардың (республикалық маңызы бар қалалардың, астананың) жергілікті атқарушы органдары пестицидтерді өндіру (формуляциялау), пестицидтерді өткізу, пестицидтерді аэрозольдік және фумигациялық тәсілдермен қолдану бойынша қызметті лицензиялауды жүзеге асыру жөніндегі лицензиар;

2) халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшелері өтініш берушінің Қазақстан Республикасы заңнамасының талаптарына сәйкестігі бөлігінде пестицидтерді өндіру (формуляциялау), пестицидтерді өткізу, пестицидтерді аэрозольдік және фумигациялық тәсілдермен қолдану бойынша қызметті жүзеге асыруға лицензия беруді келісуді жүзеге асыратын уәкілетті орган болып айқындалсын.».

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Қазақстан Республикасының

Премьер-Министрі                                                                         А. Мамин

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу